منحرف ارکان رد، 20 کی 20 سیٹیں جیتیں گے، پرویز الہیٰ کا دعویٰ

لاہور : پنجاب اسمبلی کے اسپیکر پرویز الہیٰ نے دعویٰ کیا ہے کہ منحرف ارکان اپنے حلقوں میں بے بس اور لاچار نظر آتے ہیں،انہیں عوام نے رد کر دیا اور پی ٹی آئی 20 کی 20 سیٹیں جیتے گی۔

اسپیکر پنجاب اسمبلی پرویز الہی نے میڈیا سے گفتگو کرتے ہوئے کہ منحرف ارکان میں عوام کا سامنا کرنے کی ہمت نہیں،عمران خان اس وقت قوم کی واحد امید ہیں،لاہور سمیت دیگر اضلاع میں ضمنی الیکشن میں پی ٹی آئی کا گراف بلند ہے۔ن لیگ نے تحریک انصاف کے مینڈیٹ پر ڈاکہ ڈالا،وہ وقت دورنہیں جب ہم اپنا چھینا ہوا مینڈیٹ ن لیگ سے واپس لیں گے۔

پرویز الہیٰ کا کہنا تھا کہ حمزہ شہباز سپریم کورٹ میں دئیے گئے حلف سے مکر گئے،سپریم کورٹ تقرر و تبادلے اور ترقیاتی کاموں کی مد میں جاری فنڈز کا نوٹس لے،ن لیگ والے دھاندلی اور جعلی رزلٹ کے بغیر کبھی نہیں جیت سکتے۔