ان کا اتنا بوجھ نہ اٹھائیں کہ آپ کی کمر دوہری ہو جائے، فواد چودھری

اسلام آباد : پاکستان تحریک انصاف کے رہنما فواد چودھری نے کہا ہے کہ90دن میں الیکشن نہ ہوئے تو ملک میں آئین ختم ہو جائے گا،پنجاب سٹی 42 نہیں، جو اتھارٹی ایک روز بھی الیکشن آگے لے کر جائے گی، آرٹیکل6 کی مرتکب ہو گی۔پریس کانفرنس سے خطاب کرتے ہوئے فواد چودھری نے کہا کہ وقت ایک جیسا نہیں رہتا،یہ وقت بھی گزر جائے گا،نواز شریف، آصف زرداری اور فضل الرحمان کا اتنا بوجھ نہ اٹھائیں کہ آپ کی کمر دوہری ہو جائے۔

فواد چودھری کا کہنا تھا کہ پنجاب میں اسے وزیراعلیٰ لگایا گیا جسے گھر والے دوسری بار سالن نہیں دیتے،ان پر بات کریں تو شاید توہینِ وزیراعلیٰ کا نوٹس آ جائے،کون بیوقوف ان کو ایسا کرنے کا مشورہ دے رہا ہے۔

فواد چودھری نے کہا کہ ہم گرفتاریوں سے خوفزدہ نہیں،ہم اداروں سے ہیں اور ادارے ہم سے ہیں، یہ اپنے آخری 3،4 مہینے گزار لیں، پی ٹی آئی کی اگلی حکومت کے بعد ایک نئی اپوزیشن جنم لےگی۔ن لیگ کے لیڈروں کی عمر اسی اسی سال ہے،کوئی نوجوان ان کے ساتھ نہیں، یہ اپنی آخری اسمبلی کی مدت گزار لیں، مریم نواز کسی نفسیاتی ڈاکٹر سے اپنا علاج کرائیں۔