الیکشن کمیشن فیصلہ:منحرف ارکان نے اپیلوں کےلئے وکیل بدل لیا
منحرف ارکان کے ڈی سیٹ ہونے کے بعد نئے ارکان منتخب ہو چکے ہیں،آپ کو تیاری کیلئے وقت دے دیتے ہیں،اس معاملے میں بڑا دلچسپ سوال کا جائزہ لینا ہے،نئے منتخب ہونے والے ارکان کو بھی پارٹی بنائیں:چیف جسٹس کا وکیل سے مکالمہ
اسلام آباد : پاکستان تحریک انصاف کے منحرف ارکان نے الیکشن کمیشن کے فیصلے کےخلاف اپیلوں پر دلائل کےلئے وکیل بدل لیا۔
سپریم کورٹ میں چیف جسٹس عمر عطا بندیال نے نئے وکیل ایڈووکیٹ عمر اسلم کا خیر مقدم کرتے ہوئے کہا کہ منحرف ارکان کے ڈی سیٹ ہونے کے بعد نئے ارکان منتخب ہو چکے ہیں۔آپ کو تیاری کیلئے وقت دے دیتے ہیں۔
چیف جسٹس عمر عطا بندیال کی سربراہی میں 3 رکنی بینچ نے سماعت کی۔دوران سماعت منحرف ارکان کے نئے وکیل ایڈووکیٹ عمر اسلم نے کہا کہ مجھے رات کو وکیل مقرر کیا گیا ہے۔
چیف جسٹس نے ریمارکس دیئے کہ اس معاملے میں بڑا دلچسپ سوال کا جائزہ لینا ہے۔نئے منتخب ہونے والے ارکان کو بھی پارٹی بنائیں۔عدالت نے منحرف رکن محسن عطا خان کھوسہ کو اپیل واپس لینے کی اجازت دیتے ہوئے سماعت غیر معینہ مدت کیلئے ملتوی کردی۔
Comments are closed.