انگلینڈ نے پاکستان کو ہرا کر ٹی ٹونٹی سیریز اپنے نام کر لی

لاہور: پاکستان اور انگلینڈ کے درمیان کھیلی جانے والی سات میچوں پر مشتمل ٹی ٹوئنٹی سیریز کے آخری اور فیصلہ کن میچ میں انگلینڈ نے پاکستان کو 67 رنز سے شکست دے کر سیریز 3-4 سے اپنے نام کرلی۔انگلینڈ کی جانب سے بنائے جانے والے 209 رنز کے تعاقب میں پاکستانی ٹیم مقررہ اوورز میں 142 رنز ہی بنا سکے۔ پاکستان کی جانب سے شان مسعود 56 رنز بنا کر نمایاں بلے باز رہے۔

قذافی اسٹیڈیم میں کھیلے جانے والے میچ میں انگلینڈ نے مقررہ 20 اوورزمیں تین وکٹوں کے نقصان پر209 رنزبنائے تھے اور جیت کے لیے 210 رنز کا ٹارگٹ دیا تھا۔انگلینڈ کی جانب سے ڈیوڈ ملان نے 78 ، ہیری بروک نے 46، بین ڈکٹ نے 30، فل سالٹ نے 20 اور ایلکس ہیلز نے 18 رنز بنا ئے۔

پاکستان کے کپتان بابر اعظم نے ٹاس جیت کر انگلینڈ کو پہلے بیٹنگ کی دعوت دے دی تھی۔انگلینڈ کے خلاف آخری ٹی ٹونٹی انٹرنیشنل میچ کے لیے قومی کرکٹ ٹیم میں چار تبدیلیاں کی گئی ہیں۔وکٹ کیپر اور بلے باز محمد رضوان، خوشدل شاہ، فاسٹ بولرز حارث رؤف اور محمد حسنین کی فائنل الیون میں واپسی ہوئی ہے جب کہ محمد حارث، حیدر علی، عامر جمال اور شاہنواز دھانی کو آج آرام دیا گیا ہے۔