آرمی چیف کی سعودی نائب وزیر دفاع سے ملاقات: عسکری تعاون کو مزید مستحکم بنانے پر اتفاق

ریاض : آرمی چیف جنرل قمر جاوید باجوہ کی سعودی عرب کے نائب وزیر دفاع شہزادہ خالد بن سلمان سے ملاقات ہوئی ہے جس میں باہمی دلچسپی کے امور سمیت دو طرفہ تعلقات کے حوالے سے تبادلہ خیال کیا گیا ہے۔

سعودی عرب میڈیا کے مطابق ملاقات میں پاک سعودی عسکری تعلقات کا جائزہ لیا گیا، مستقبل میں پاک سعودی عسکری تعاون کو مزید مستحکم بنانے پر بھی اتفاق کیا گیا۔

سعودی عرب میڈیا کے مطابق سعودی نائب وزیر دفاع نے پاکستان آرمی کی پیشہ ورانہ مہارت کی تعریف کی، شہزادہ خالد بن سلمان نے آرمی چیف کے لیے نیک خواہشات کا بھی اظہار کیا۔ ملاقات میں آرمی چیف جنرل قمر جاوید باجوہ نے بھی سعودی عرب کی قیادت کا شکریہ ادا کیا۔
جنرل قمر جاوید باجوہ کو سعودی عرب کے کنگ عبد العزیز میڈل آف ایکسیلینٹ کلاس کے اعزاز سے نوازا گیا ہے۔ وزیر اعظم میاں شہباز شریف نے آرمی چیف کو ایوارڈ ملنے پر مبارک باد بھی دی ہے۔ہم