گورنرراج لگا سکتے ہیں،قائم مقام صدر بھی آ سکتا ہے، رانا ثنااللہ

اسلام آباد : وزیرداخلہ رانا ثنا اللہ کا کہنا ہے کہ چند لوگ سڑکیں بند کررہے ہیں۔ جس طرح کی صورتحال بن رہی ہے حکومت گورنر راج کی طرف جا سکتی ہے۔حکومت پنجاب میں گورنر راج لگا سکتی ہے۔صدر کا گورنر راج لگانے میں کوئی کردار نہیں۔صدر کو وزیراعظم کی سفارش پر عمل کرنا ہوگا۔اگر گورنر راج لگانے کیلئے صدر نہیں راضی ہوتا تو قائم مقام صدرآجائے گا۔ایک آرمی چیف کی تعیناتی کو متنازعہ بنانا اور دوسرا سعودی ولی عہد کے دورہ پاکستان سے روکنا۔سعودی ولی عہد پاکستان آئے گا تو ملک مستحکم ہوگا جو عمران خان نہیں چاہتا۔عمران خان چاہتے ہیں کہ ملک ڈوب جائے۔لانگ مارچ سے سعودی ولی عہد کا دورہ متاثر ہوسکتا ہے۔

نجی ٹی وی کے پروگرام میں گفتگو کرتے ہوئے وزیر داخلہ رانا ثنا اللہ کا کہنا تھا کہ عوام نے پی ٹی آئی احتجاج کو مسترد کردیا۔صوبائی حکومت اور پولیس جلائو گھیرائو کرنے والے افراد کی خود حفاظت کررہی ہے۔جس طرح سے پحھلے چند دنوں سے ہورہا ہے یہ گورنر راج کی طرف شروعات ہیں۔پولیس دونوں طرف سے بیریئر لگا کراحتجاج کرنے والوں کی حفاظت کررہی ہے۔

رانا ثنا اللہ کا کہنا تھا کہ پنجاب او خیبرپختونخوا میں گورنرراج لگانا چند ہفتوں کی بات ہے۔جہاں یہ حادثہ پیش آیا ہے وہاں پر 1500لوگ تھے۔ارشد شریف کے قتل کی تحقیقات کرنے کیلئے فیکٹ فائنڈنگ کمیٹی کینیا گئی تھی۔ارشد شریف کی والدہ کے اعتراض کے بعد جج نے اپنی آپ کو علیحدہ کیا۔اب چیف جسٹس کوان کی جگہ کسی جج کو مقرر کریں گے۔انکوائری کمیشن میں صحافی برادری سے بھی کوئی شامل ہوگا۔کینیا سے واپسی کے بعدفیکٹ فائنڈنگ کمیٹی نے مجھے بریفنگ دی۔فیکٹ فائنڈنگ کمیٹی کو ابھی کچھ اور چیزیں بھی تفتیش کرنا ضروری ہیں۔ہوسکتا ہے فیکٹ فائنڈنگ کمیٹی کو دبئی اور پھردوبارہ کینیا جانا پڑے۔