موجودہ آرمی چیف سے میرا کوئی تنازعہ نہیں،عمران خان

لاہور : چیئرمین پی ٹی آئی عمران خان نے کہا ہے کہ موجودہ آرمی چیف سے میرا کوئی تنازعہ نہیں، جنرل باجوہ نے آخری ملاقات میں کہا آپ پلے بوائے ہیں، میں نے جواب دیا ہاں میں پلے بوائے رہا ہوں۔

سابق وزیراعظم عمران خان نے زمان پارک لاہور میں صحافیوں سے ملاقات میں گفتگو کرتے ہوئے کہا کہ موجودہ آرمی چیف سے میرا کوئی تنازعہ نہیں، جنرل عاصم منیر سے آرمی چیف بننے کے بعد اب تک کوئی رابطہ نہیں ہوا۔

عمران خان نے کہا کہ سابق آرمی چیف سے ورکنگ ریلیشن بہترین تھا اچانک ان کے رویے میں تبدیلی ایکٹینشن کے بعد محسوس کی۔ ایکسٹینشن کے بعد کہا گیا احتساب چھوڑیں این آر او دے دیں۔ حسین حقانی کو جنرل باجوہ نے لابنگ کے لئے امریکہ میں ہائر کیا۔ مجھے اینٹی امریکہ ثابت کرنے کی کوشش پاکستان سے ہوئی۔ ڈونلڈ لو نے جو کہا وہ سبق پاکستان سے پڑھایا گیا تھا۔ حسین حقانی میرے خلاف مہم اور جنرل باجوہ کی تشہیر کرتے رہے ۔ امریکہ میں ٹرمپ حکومت نے تاریخی استقبال کیا۔

چیئرمین پی ٹی آئی عمران خان نے انکشاف کیا کہ جنرل باجوہ نے آخری ملاقات میں کہا آپ پلے بوائے ہیں، میں نے جواب دیا ہاں میں پلے بوائے رہا ہوں، قمر کمر پر چھرا مارہا تھا اور ہمدردی بھی کررہا تھا ،ہمارے 3 اراکین پنجاب اسمبلی کو اعتماد کے ووٹ کے لئے اسٹیبلشمنٹ نے نیوٹرل رہنے کا کہا گیا، کراچی میں ایم کیو ایم کو اکٹھا اور باپ کو پیپلزپارٹی میں شامل کرایا جارہا ہے ۔پاکستان میں اسٹیبلشمنٹ کا نام ایک آدمی ہے۔ باجوہ احتساب نہیں کرنا چاہتے تھے اس لئے تعلقات خراب ہوئے

عمران خان کا کہنا تھا کہ اسمبلیوں میں جاکر کیا کرینگے ، کوئی فائیدہ نہیں، بشری بی بی خاتون خانہ ہے ، ہم آڈیو لیکس سے اپنی نوجوان نسل کو کیا پیغام دے رہے ہیں ، ملک میں شفاف الیکشن ہوں اور پائیدار حکومت بنے ، شفاف الیکشن سے ملک میں استحکام آئےگا ، اسٹیبلشمنٹ معیشت سمیت سب بحرانوں سے نکالنے میں اہم کردار ادا کرسکتی ہے ۔ بلاول بھٹو کو افغانستان کے بارے میں کچھ بھی معلوم نہیں ، موجودہ افغان حکومت کے ساتھ بہترین تعلقات تھے ، دہشتگردی بیچ کر ڈالرز کمائے جاسکتے ہیں ، مشرف نے بھی دہشتگردی بیچ کر ڈالرز کمائے لیکن 80 ہزار جانوں کا ضیاع ہوا.

عمران خان کا مزید کہنا تھا کہ نجم سیٹھی کو کرکٹ کی الف ب نہیں معلوم،رمیز راجہ کے دور میں پاکستان ٹیم فائنل میں پہنچی،رمیز راجہ نے پیسے بچائے اور یہ لٹا رہے ہیں،نجم سیٹھی کو لانے کے لئے پی سی بی کا آئین تبدیل کردیا گیا۔