عمران خان کا ڈاکٹر عامر لیاقت کے انتقال پر اظہار افسوس

اسلام آباد : پاکستان تحریک انصاف کے چیئرمین عمران خان نے معروف میزبان و ممبر قومی اسمبلی ڈاکٹر عامر لیاقت کے انتقال پر اظہار افسوس کیا ہے۔

اپنے ٹویٹر پیغام میں سابق وزیراعظم عمران خان نے کہا کہ اپنے رکن قومی اسمبلی عامر لیاقت کی رحلت کے بارے میں جان کر نہایت افسردہ ہوں۔ میری دعائیں اور ہمدردیاں ان کے اہلِ خانہ کے ساتھ ہیں۔

Saddened to learn of the passing of our MNA Aamir Liaquat. My condolences and prayers go to his family.

— Imran Khan (@ImranKhanPTI) June 9, 2022

رکن قومی اسمبلی عامر لیاقت اپنے گھر میں بے ہوشی کی حالت میں پائے گئے تھے، انہیں فوری طور پر اسپتال منتقل کیا گیا جہاں ڈاکٹروں نے ان کی موت کی تصدیق کر دی۔