عمران خان کی شہباز گل سے ملاقات، فیملی کے ساتھ وقت گزارنے کی ہدایت

اسلام آباد : پاکستان تحریک انصاف کے چیئرمین و سابق وزیراعظم عمران خان سے شہباز گل کی بنی گالہ میں گزشتہ روز ملاقات ہوئی۔

ملاقات میں ملکی سیاسی صورتحال پر تبادلہ خیال کیا گیا، شہباز گل نے جیل میں گزرے وقت پر عمران خان سے تفصیلی گفتگو کی۔ عمران خان نے شہباز گل پر تشدد کی سخت مذمت کی۔ عمران خان نے کہا کہ یہاں کوئی جنگل کا قانون ہے کہ تھانے میں بدترین تشدد کا نشانہ بنایا جائے۔ ایسا تو بنانا ری پبلک میں بھی نہیں ہوتا۔

چئیرمین تحریک انصاف عمران خان کی ڈاکٹر شہباز گل سے ملاقات- pic.twitter.com/kEzbqP3pSs

— PTI (@PTIofficial) September 19, 2022

عمران خان نے کہا کہ میرے ساتھیوں کے ساتھ برا سلوک امپورٹڈ حکومت کی بوکھلاہٹ کا واضح ثبوت ہے۔ عمران خان نے شہباز گل کو فیملی کے ساتھ وقت گزارنے کی ہدایت کر دی۔