بیٹی چھپانے پرعمران خان کی نااہلی کیس، لارجربینچ تشکیل دینے کا فیصلہ

اسلام آباد ہائیکورٹ نے کاغذات نامزدگی میں مبینہ بیٹی کوظاہرنہ کرنے پرعمران خان کیخلاف نا اہلی کیس سے متعلق لارجر بنچ تشکیل دینے کا فیصلہ کرلیا۔بنچ پر اعتراض سے متعلق چیف جسٹس عامرفاروق نے ریمارکس دیئے کہ دوہزاراٹھارہ میں کیس سننےسےمعذرت ذاتی وجوہات پرنہیں کی تھی اس وقت درخواست گزارنے مخصوص بنچ کے سامنے لگانے کی استدعا کی تھی۔

چیف جسٹس اسلام آباد ہائیکورٹ نے کاغذات نامزدگی میں مبینہ بیٹی کوظاہرنہ کرنے پرعمران خان کیخلاف نا اہلی کیس کی سماعت کی ،عمران خان کے وکیل سلمان اکرم راجہ سپریم کورٹ میں مصروفیت کےباعث معاون وکیل پیش ہوئے اور تحریری جواب جمع کرانے کے بتایا۔

چیف جسٹس عامرفاروق نے ریمارکس دئیے کہ جواب میں کہا گیا عمران خان مزید رکن قومی اسمبلی نہیں ہیں، مناسب ہوگا کہ عمران خان سے متعلق نئی صورتحال کا پتہ چلے۔

بنچ پراعتراض سے متعلق عمران خان کے وکلاء سے مکالمہ کرتے ہوئے چیف جسٹس نے ریمارکس دئیے کہ دوہزاراٹھارہ میں یہ کیس سننے سے معذرت ذاتی وجوہات پرنہیں کی تھیاس وقت درخواست گزارنے مخصوص بنچ کےسامنےلگانے کی استدعا کی۔بہرحال اعتراض اٹھایا ہے توبینچ کی تشکیل نوکردیتے ہیں، معاملہ لارجربنچ کے سامنے رکھیں گے۔عدالت نے کیس کی سماعت 9 فروری تک کےلئےملتوی کردی۔