بھارت کی ایس سی او اجلاس میں شرکت کیلئے بلاول بھٹو اور چیف جسٹس کو دعوت

اسلام آباد : بھارت نے شنگھائی تعاون تنظیم کے وزرائے خارجہ اجلاس میں شرکت کے لئے وزیرخارجہ بلاول بھٹو زرداری اور چیف جسٹس آف پاکستان کے نام دعوت نامہ بھیج دیا ہے۔

سفارتی ذرائع کے مطابق بھارت نے شنگھائی تعاون تنظیم کے وزرائے خارجہ اجلاس میں شرکت کے لئے وزیرخارجہ بلاول بھٹو زرداری کو دعوت نامہ بھیج دیا ہے۔ بھارت کی جانب سے ایک دعوت نامہ چیف جسٹس آف پاکستان کے نام بھی بھجوایا گیا ہے۔

سفارتی ذرائع کا کہنا ہے کہ بھارت اس سال شنگھائی تعاون تنظیم کے منتظم صدر کے فرائض انجام دے رہا ہے، شنگھائی تعاون تںطیم کا وزرائے خارجہ کا اجلاس اس سال مئی میں بھارتی شہر گووا میں ہوگا۔ مارچ کے مہینے میں شنگھائی تعاون تنظیم کے چیف جسٹسس کا اجلاس ہوگا جس کے لئے چیف جسٹس کو دعوت نامہ بھیجا گیا ہے۔

سفارتی ذرائع نے کہا ہے کہ پاکستان کی جانب سے بھارت کے دئے گئے دونوں دعوت ناموں کا تاحال جواب نہیں دیا گیا۔ بھارت میں ہونےوالے اجلاس میں شرکت کے حوالے سے فیصلہ تمام اسٹیک ہولڈرز سے مشاورت کے بعد لیا جائے گا۔