جج زیبا چودھری دھمکی کیس : سابق وزیراعظم عمران خان کی عبوری ضمانت منظور

اسلام آباد : جج دھمکی کیس میں ڈسٹرکٹ اینڈ سیشن عدالت نے سابق وزیراعظم عمران خان کی عبوری ضمانت منظور کرلی ۔ اس سے قبل عمران خان نے ہائیکورٹ  سے سات اکتوبر تک حفاظتی ضمانت حاصل کی تھی۔

اسلام آباد کی ڈسٹرکٹ اینڈ سیشن عدالت میں جج دھمکی کیس کی سماعت ہوئی،چیئرمین پی ٹی آئی عمران خان سخت سکیورٹی میں عدالت پہنچے،عمران خان نے عبوری درخواست ضمانت وکیل بابر اعوان کے ذریعے دائر کی، جس کی سماعت سیشن جج ویسٹ کامران بشارت مفتی نے کی۔

سماعت کے موقع پر عمران خان کے وکیل بابر اعوان روسٹرم پر آ ئے اور درخواست ضمانت سے متعلق عدالت کو بتایا۔ عدالت نے عمران خان کی عبوری ضمانت 13 اکتوبر تک منظور کرتے ہوئے 50 ہزار روپے کے مچلکے جمع کروانے کا حکم دیدیاسماعت کے بعد میڈیا سے گفتگو میں عمران خان کے وکیل بابر اعوان نے کہاکہ عمران خان کبھی عدالت آنے کے لیے بیماری کا بہانہ نہیں بنایا۔

جوڈیشل مجسٹریٹ نے گزشتہ ہفتے عدم پیشی پر عمران خان کے وارنٹ گرفتاری جاری کیے تھےجسکے بعد عمران خان نے ہائی کورٹ سے اتوار کے روز 7 اکتوبر تک حفاظتی ضمانت حاصل کی تھی۔