کوہاٹ:سیرکےلئے آئے افراد کی کشتی ڈوب گئی،10 بچے جاں بحق

کوہاٹ : تاندہ ڈیم میں سیر کے لیے آنے والے افراد کی کشتی ڈوبنے سے 10 بچے جاں بحق ہو گئے۔ریسکیو ذرائع کے مطابق تاندہ ڈیم میں ڈوبنے والی کشتی میں زیادہ تعدد بچوں کی ہے۔

ڈپٹی کشمنر کوہاٹ فرقان اشرف نے بھی تاندہ ڈیم میں کشتی ڈوبنے کی تصدیق کرتے ہوئے کہا ہے کہ سیر کے لیے آئے ہوئے افراد کی کشتی ڈوب گئی ہے۔ کشتی میں 30 افراد سوار تھے جس میں زیادہ تعداد بچوں کی تھی، پشاور سے غوطہ خوروں کی ٹیم طلب کر لی گئی ہے جو ٹیم ایک سے دو گھنٹے میں موقع پر پہنچ جائے گی۔

کوہاٹ کے تاندہ ڈیم میں مدرسے کے بچوں سے بھری کشتی ڈوب گئی تقریبا25 سے زیادہ بچے ڈوب گئے #Kohat pic.twitter.com/Lck1ULJ2Ql

— Khabarwalay (@khabarwalay0) January 29, 2023

بعد ازاں ڈپٹی کمشنر فرقان اشرف کا کہنا تھا کہ تاندہ ڈیم میں ڈوبنے والی کشتی میں سوار  16 بچوں کو اسپتال منتقل کیا گیا تھا جہاں 10 بچے دم توڑ گئے۔ پاک فوج کی ریسکیو ٹیمیں بھی موقع پر پہنچ گئی ہیں اور امدادی سرگرمیاں جاری ہیں۔