مریم نواز کورونا وائرس میں مبتلا ہو گئیں

لاہور: مسلم لیگ ن کی نائب صدر مریم نواز اور کیپٹن ریٹائرڈ محمد صفدر کورونا وائرس میں مبتلا ہو گئے۔
مسلم لیگ ن کی نائب صدر مریم نواز نے اپنے ٹویٹر پیغام میں کہا کہ میرا کورونا ٹیسٹ مثبت آیا ہے۔

Covid positive !

— Maryam Nawaz Sharif (@MaryamNSharif) July 16, 2022

کورونا ٹیسٹ مثبت آنے پر مریم نواز نے خود کو قرنطینہ کر لیا ہے۔ مریم نواز کے ٹوئٹر میسج کے بعد ن لیگ کے کارکنان ان کی صحتیابی کے لیے دعائیں کر رہے ہیں۔

دوسری جانب مریم نواز کے شوہر کیپٹن ریٹائرڈ محمد صفدر بھی کورونا وائرس میں مبتلا ہو گئے ہیں۔ وزیراعظم شہباز شریف نے کہا کہ میں مریم نواز اور کیپٹن ریٹائرڈ صفدر کو کورونا میں مبتلا ہونے کی خبر سن کر افسردہ ہوں اور ان کی جلد صحتیابی کے لیے دُعا گو ہوں۔شہباز شریف نے کہا کہ مریم نواز نے جس بہادری سے انتخابی مہم چلائی اس پر فخر ہے۔ مریم نواز لاہور سمیت مختلف حلقوں میں انتخابی مہم چلا رہی تھیں اور کل انتخابی مہم کے آخری روز بھی انہوں نے جلسے سے خطاب کیا تھا۔
دوسری جانب ملک بھر میں کورونا کیسز میں ایک بار پھر اضافہ ہو گیا ہے اور گزشتہ 24 گھنٹے کے دوران 10 اموات ہوئیں جبکہ کورونا کے مثبت کیسز کی شرح بڑھ کر 3.28 فیصد تک پہنچ گئی ہے۔
قومی ادارہ برائے صحت کے مطابق ملک بھر میں گزشتہ 24 گھنٹے کے دوران کورونا کے 737 کیسز رپورٹ ہوئے اور کورونا سے متاثرہ 189 مریضوں کی حالت تشویش ناک ہے۔