مریم نے آڈیو لیک میں کہا چیف الیکشن کمشنرمجھے نااہل کرےگا، عمران خان

اسلام آباد : تحریک انصاف کے چیئرمین عمران خان نے دعویٰ کیا ہے کہ آڈیولیکس میں اور بھی کچھ آرہا ہے۔مریم بتا رہی ہیں کہ الیکشن کمیشن کہہ رہا ہے۔عمران خان کو توشہ خانہ پر ڈس کوالیفائی کر دوں گا۔

عمران خان نے جی سی یونیورسٹی لاہور میں تقریب سے خطاب میں کہا ہے کہ پہلے وکی لیکس۔ڈان لیکس اب آڈیو لیکس آگئی ہے۔چیف الیکشن کمشنر نوازشریف کے گھر کا نوکر ہے۔چیف الیکشن کمشنر نے نوازشریف کے کہنے پر ای وی ایم مشینز نہیں آنے دیں۔ تھوڑی بھی اس میں شرم حیا ہو یہ استعفیٰ دے، اگر نہیں شرم حیا تو ہم اس سے استعفیٰ لیں گے۔

عمران خان کا کہنا تھا کہ بھارت نے کشمیریوں کی خصوصی حیثیت ختم کی تھی تو ہم نے تعلقات ختم کیے تھے۔آڈیو لیکس میں مریم نواز کہہ رہی ہیں بھارت سے مشینری امپورٹ کریں۔شہباز شریف طریقہ بتا رہے ہیں کہ مشینری کسی اور ملک سے لے آئو۔مریم کا داماد گرڈ اسٹیشن بنا رہا ہے۔آپ کے پیسے وہ گرڈ اسٹیشن بنے گا۔آڈیولیکس میں اور بھی کچھ آرہا ہے۔ مریم کہہ رہی ہے کہ الیکشن کمیشن کہہ رہا ہے کہ عمران خان کو توشہ خانہ پر ڈس کوالیفائی کر دوں گا۔

عمران خان نے کہا کہ ہم نے اپنے دور میں معاشی ترقی کی۔ہماری آخری سال میں 75فیصد آئی ٹی ایکسپورٹس بڑھیں۔بزدل کبھی آگے نہیں بڑھ سکتا وہ ڈر میں ہی رہتاہے۔خود غرض کبھی ذات سے نہیں نکل پاتا۔پاکستان میں اشرافیہ کو اپنی ذات کی پڑی ہوتی ہے۔اشرافیہ ملک اور عوام کی نہیں اپنے فکر میں رہتے ہیں۔ہماری حکومت سازش کے تحت ہٹائی گئی ۔امریکی نمائندہ ہمارے سفیر سے ناراضی کا اظہار کرتاہے۔امریکی نمائندہ کہتاہے کہ آپ نے عمران خان کو ہٹانا ہوگا۔سفیر کو کہاگیا آپ نے عمران خان کو نہیں ہٹایا تو نتائج اچھے نہیں ہوں گے۔

عمران خان نے کہا کہ اسحاق ڈار ہمارے دور میں نہیں بھاگا، ن لیگ کی حکومت میں نیب نے بلایا۔اسحاق ڈار وزیر اعظم کے جہاز میں بھاگ گیا، اب ڈیل کے ساتھ واپس آرہا ہے۔یہاں ڈیل ہوتی ہے اس لیے منی لانڈرنگ نہیں رکتی۔فیصلہ کرنا ہو گا کہ ہم نے یہ تماشا بھیڑ بکریوں کی طرح دیکھنا ہے یا سامنے کھڑا ہونا ہے۔جو قوم حق سچ پر نہیں کھڑی ہوتی اس کا مستقبل نہیں ہوتا۔اللہ کا حکم ہے اچھائی کے ساتھ کھڑے ہوں، برائی کے ساتھ نہیں۔

عمران خان نے کہا ہے کہ جب بھی انقلابی تحریک کھڑی ہوتی ہے۔ اس میں یوتھ نے لیڈ کیا۔میں چاہتا ہوں کہ آپ طالب علم سارے اس میں شامل ہوں۔ویت نام کے خلاف جو موومنٹ چلی تھی یونیورسٹیز میں چلی تھی۔ آپ سب تیاری کر لیں۔میں نے ان چوروں کے خلاف جہاد کا اعلان کیا ہے۔جیت کے دکھاؤں گا۔

دوسری طرف عمران خان نے ایوان وزیراعلیٰ میں وزیراعلیٰ پنجاب پرویزالہٰی سے ملاقات کی۔ملاقات میں پنجاب کی سیاسی اور انتظامی صورتحال پر بات چیت کی گئی۔وزیراعلیٰ پنجاب پرویزالہٰی نے عمران خان کو مفاد عامہ کے ایشوز پراعتماد میں لیا۔عمران خان کی سیلاب زدگان کی بحالی و آبادکاری کیلئے پنجاب حکومت کے اقدامات کی تعریف کی۔