عوام کی حمایت سے اپنی آئینی ذمے داریاں نبھائیں گے، فوجی قیادت

راولپنڈی : عسکری قیادت نے اس عزم کا اظہارکیا ہے کہ وہ عوام کی حمایت سے اپنی آئینی ذمے داریاں نبھائے گی۔آرمی چیف جنرل سید عاصم منیر کی زیرصدارت کور کمانڈرز کانفرنس میں کہا گیا ہے کہ چیلنجزسے پوری طرح آگاہ ہیں۔اندرونی و بیرونی خطرات کا منہ توڑ جواب دیا جائے گا۔فورم نے قومی سلامتی کمیٹی کے طے کردہ اہداف پر عمل کی یقین دہانی بھی کرائی۔

آرمی چیف جنرل سید عاصم منیر کی زیرصدارت کور کمانڈرز کی 257 ویں کانفرنس ہوئی۔آئی ایس پی آر کے اعلامیے کے مطابق کورکمانڈرزکانفرنس میں ملکی داخلی اور سلامتی کی صورتحال پرغور۔۔چیلنجزپرتبادلہ خیال کیا گیا۔

فورم نے دہشتگردی کی باقیات کےخلاف جاری آپریشنز پر اطمینان کا اظہار کرتے ہوئے کہا کہ عسکری قیادت چیلنجز سے پوری طرح آگاہ ہے۔پاک فوج عوام کی حمایت سے اپنی آئینی ذمے داریاں نبھائے گی۔

اعلامیے میں کہا گیا ہے کہ فورسز مغربی سرحدی علاقوں میں انٹیلی جنس کی بنیاد پر کارروائیاں کر رہی ہیں۔دہشتگردی کی لعنت کے طویل مدتی بنیادوں پر خاتمے کےلئے قوم اور حکومت کو مشترکہ روش اپنا ہوگی۔

آئی ایس پی آر کے مطابق فورم نےیقین دلایا کہ قومی سلامتی کمیٹی کے طے کردہ اہداف پرعمل کیا جائے گا۔دہشت گردی کی لعنت کیخلاف تمام فریقین کے ساتھ ملکرمربوط اقدامات کئے جائیں گے۔