’’بھارت کے افغانستان کے ذریعے پاکستان میں دہشتگردی کرانے کے کافی ثبوت ہیں‘‘

 اقوام متحدہ میں پاکستان کے مستقل مندوب منیر اکرم نے کہا کہ بھارت کے افغانستان کے ذریعے پاکستان میں دہشت گردی کرانے اور امن دشمنوں کی سرپرستی کے بہت سے ثبوت ہیں۔

پاکستانی مندوب منیراکرم نے غیر ملکی جریدے نیوز ویک کو دیئے گئے ایک انٹرویو میں کہا کہ پاکستان کے پاس بھارت کی ریاستی دہشت گردی کے شواہد موجود ہیں۔ ہم نے ثبوت پیش کیے اور ہم مزید شواہد پیش کرنے کیلئے تیار ہیں۔ انہوں نے کہا کہ بھارت کا خود دہشتگردی کا شکار ہونے کا ڈھونگ منافقانہ ہے۔

ایمبیسڈر منیر اکرم نے کہا کہ چین کیخلاف بھارت کے فوجی اتحاد سے پاکستان باخبر ہے خطے میں امریکی دشمن بننے کی ضرورت نہیں ہے تاہم بھارت کے ساتھ امریکا کے بڑھتے ہوئے فوجی تعلقات کے حوالے سے تشویش کا اظہار کر چکے ہیں۔