نوازشریف نے پارٹی کوپنجاب میں انتخابات کی تیاری کی ہدایت کردی

لندن : پاکستان مسلم لیگ ن کے قائد میاں نواز شریف نے پارٹی راہنمائوں اور کارکنان کو پنجاب میں انتخابات کی تیاری کی ہدایت کر دی۔وزیر اطلاعات مریم اورنگزیب کے مطابق میاں نوازشریف کی صدارت میں لندن میں منعقدہ پارٹی قیادت کے اہم مشاورتی اجلاس میں فیصلے کے بعد پارٹی راہنمائوں اور کارکنان کو پنجاب میں انتخابات کی تیاری کی ہدایت کر دی گئی ہے۔ پارٹی صدر میاں شہباز شریف کو پارلیمانی بورڈ قائم کرنے کی ہدایت بھی کی گئی ہے۔ میاں نواز شریف نے پارٹی رہنمائوں کہا ہے کہ وہ پورے جذبے، اعتماد اور بھرپور تیاری اور قوت سے آگے بڑھیں۔ فتح پاکستان مسلم لیگ ن کی ہو گی۔