ناظم جوکھیو کیس، فریقین میں صلح ہو گئی

ناظم جوکھیو کیس میں اہم پیش رفت ہوئی ہے۔ فریقین کےدرمیان صلح ہوگئی۔

ناظم جوکھیو کے ورثاء نے عدالت میں حلف نامہ جمع کراتے ہوئے کہا کہ ہماری ملزمان کے ساتھ صلح ہوچکی ہے کیس ختم کرنے پر کوئی اعتراض نہیں ہے۔

عدالت نے نادرا، مختیار کار و دیگر کو بھی نوٹس جاری کر دیئے۔عدالت نے کہا کہ ناظم جوکھیو کے قانونی ورثاء سے متعلق نادرا اور مختیار کار سے متعلق رپورٹ جمع کرائیں۔حلف نامہ ناظم جوکھیو کی والدہ، بیوہ اور بچوں کی جانب سے جمع کرایا گیا ہے۔

عدالت نے قانونی ورثاء سے متعلق اخبار میں اشتہار شائع کرنے کا حکم بھی دیا ہے۔عدالت نے کیس کی مزید سماعت 15 اکتوبر تک ملتوی کر دی۔

کیس میں پیپلز پارٹی کے رکن سندھ اسمبلی جام اویس سمیت 6 ملزمان گرفتار ہیں اور ملزمان پر آج فرد جرم عائد ہونی تھی۔