نور مقدم قتل کیس : ظاہر جعفر نے سزا کیخلاف سپریم کورٹ سے رجوع کر لیا

اسلام آباد : نور مقدم قتل کیس کے مرکزی مجرم ظاہر جعفر نے سزائے موت کیخلاف سپریم کورٹ سے رجوع کر لیا ہے۔ درخواست میں استدعا کی ہے کہ سزائے موت کالعدم قرار دیتے ہوئے بری کرنے کا حکم دیا جائے۔ جن شواہد کو پذیرائی دی گئی وہ قانون شہادت کے مطابق قابل قبول نہیں۔

نور مقدم قتل کیس کے مرکزی مجرم ظاہر جعفر نے اسلام آباد ہائیکورٹ کے فیصلے کیخلاف سپریم کورٹ میں اپیل دائر کر دی ہے۔درخواست میں کہا ہے کہ  ٹرائل کورٹ اور ہائیکورٹ نے شواہد کا درست جائزہ نہیں لیا۔غلطیوں سے بھرپور ایف آئی آر پر سزا دینا انصاف کے اصولوں کے منافی ہے۔جن شواہد کو پذیرائی دی گئی وہ قانون شہادت کے مطابق قابل قبول نہیں۔

ظاہر جعفر نے استدعا کی ہے کہ اسلام آباد ہائیکورٹ کا سزائے موت کا فیصلہ کالعدم قرار دیا جائے۔۔سزائے موت کو کالعدم قرار دیتے ہوئے بری کرنے کا حکم دیا جائے۔۔

ظاہر جعفر کو ٹرائل کورٹ نے ایک جرم میں عمر قید اور دیگر میں سزائے موت سنائی تھی۔ اسلام آباد ہائیکورٹ نے عمر قید کو بھی سزائے موت میں تبدیل کر دیا تھا۔ مجموعی طور پر گیارہ سال سزا اور پانچ لاکھ روپے جرمانہ بھی کیا گیا ہے۔