شمالی وزیرستان : سکیورٹی فورسز کی فائرنگ سے ایک دہشتگرد ہلاک

راولپنڈی : شمالی وزیرستان میں سیکیورٹی فورسز اور دہشتگردوں کے درمیان فائرنگ کے شدید تبادلے میں ایک دہشت گرد مارا گیا۔

آئی ایس پی آر کے مطابق شمالی وزیرستان کے علاقے اسپن وام میں سیکیورٹی فورسز اور دہشتگردوں کے درمیان جھڑپ ہوئی، اس موقع پر سکیورٹی فورسز اور دہشتگردوں کے درمیان شدید فائرنگ کے تبادلے میں ایک دہشتگرد مارا گیا۔ ہلاک دہشتگرد سیکورٹی فورسز اور شہریوں کے خلاف دہشتگردی کی کارروائیوں میں ملوث تھا۔

ترجمان پاک فوج کا کہنا ہے کہ مقامی قبائلیوں نے علاقے سے دہشتگردی کی لعنت کے خاتمے کیلئے بھرپور تعاون کا عزم کیا۔