اب فیصل واوڈا نے بھی کہہ دیا ہے کہ لانگ مارچ خونی ہو گا، نواز شریف

لندن : سابق وزیراعظم نواز شریف نے کہا ہے کہ میری بات لکھ لیں لانگ مارچ فلاپ ہو گا، اب فیصلہ واوڈا نے بھی کہہ دیا ہے کہ لانگ مارچ خونی ہو گا، عمران خان کوئی انقلاب نہیں لا رہا، مجھے بتائیں فارن فنڈنگ سے بڑی کون سی چوری ہے ، پچاس ارب اور توشہ خانہ کا بڑا کوئی سکینڈل نہیں۔

مسلم لیگ ن کے قائد نواز شریف نے لندن میں مریم نواز کے ہمراہ میڈیا سے گفتگو کرتے ہوئے کہا کہ میری بات لکھ لیں لانگ مارچ فلاپ ہو گا۔ اب فیصلہ واڈا نے بھی کہہ دیا ہے کہ لانگ مارچ خونی ہو گا، عمران خان کوئی انقلاب نہیں لا رہا،لوگوں نے عمران خان کا انقلاب چار سالہ حکومت میں دیکھ لیا ہے۔

نواز شریف نے کہا کہ یہ صرف اپنی مرضی کا آرمی چیف لگانا چاہ رہے ہیں، آرمی چیف کسی پارٹی کا نہیں بلکہ ایک ملکی ادارے کا سربراہ ہوتا ہے، عمران خان انقلابی بندہ نہیں جھوٹا آدمی ہے، لوگوں کو چور کہتا ہے خود سب سے بڑا چور ہے، مجھے بتائیں فارن فنڈنگ سے بڑی کون سی چوری ہے ، پچاس ارب اور توشہ خانہ کا بڑا کوئی سکینڈل نہیں۔

نواز شریف کا کہنا تھا کہ عمران خان انتہائی غلط آدمی ہے،میں عمران خان نہیں جو بغیر سوچے سمجھے بات کر دوں، بہت سے رازوں سے پردہ اٹھ رہا ہے۔

مسلم لیگ ن کی نائب صدر مریم نواز نے کہا کہ لانگ مارچ کا مقصد فتنہ پھیلانا ہے، ان کا پلان اے پلان بی اور پلان سی بھی فیل ہو رہا ہے، اب ان کی کوشش ہے کوئی نیا انتشار پھیلایا جائے۔