حسان نیازی کا ایک روزہ راہداری ریمانڈ منظور،کوئٹہ پولیس کے حوالے

پی ٹی آئی رہنما حسان نیازی کو ایک روزہ راہداری ریمانڈ پر کوئٹہ پولیس کے حوالے کردیا گیا۔کوئٹہ پولیس انہیں لے کر بلوچستان روانہ ہوگئی۔

کوئٹہ پولیس حسان نیازی کی گرفتاری کے لیے ڈسٹرکٹ اینڈ سیشن کورٹس اسلام آباد پہنچی۔ جوڈیشل مجسٹریٹ عباس شاہ نے حسان نیازی کی طلبی کا روبکار جاری کیا بعدازاں حسان نیازی کو عدالت میں پیش کردیا گیا۔

کوئٹہ پولیس نے عدالت سے حسان نیازی کو حوالے کرنے کے لیے ایک روزہ جسمانی راہداری ریمانڈ کی درخواست کی جسے جوڈیشل مجسٹریٹ نے منظور کرتے ہوئے حسان خان نیازی کو کوئٹہ پولیس کے حوالے کردیا۔ کوئٹہ پولیس حسان نیازی کو لے کر بلوچستان روانہ ہوگئی۔عدالت نے کہا کہ کوئٹہ پولیس نے راہداری ریمانڈ کی استدعا کی۔حسان نیازی کے ایک روزہ جسمانی ریمانڈ کو منظور کیا جاتا ہے، تفتیشی افسر حسان خان نیازی کو متعلقہ عدالت میں 25 مارچ کو پیش کرے۔