ہماری حکومتیں ڈکٹیشن پر شرمندگی کے بجائے فخر محسوس کرتی ہیں، سراج الحق

اسلام آباد : امیر جماعت اسلامی پاکستان سراج الحق نے کہا ہے کہ ہماری حکومتیں ڈکٹیشن پر شرمندگی کے بجائے فخر محسوس کرتی ہیں۔

امیر جماعت اسلامی پاکستان سراج الحق نے اسلام آباد میں پریس کانفرنس کرتے ہوئے کہا کہ معیشت انسانی زندگی کے اہم ترین شعبوں میں سے ایک ہے اور جب معاشی استحکام ہو تو ملک ترقی کرسکتا ہے۔ اچھی معیشت انسان کے لیے امن اور سکون کی علامت ہے اور ہماری حکومتیں چھوٹے چھوٹے فیصلوں کے لیے آئی ایم ایف کی طرف دیکھتی ہیں۔

سراج الحق نے کہا کہ ہماری حکومتیں باہر سے املا لینے پر شرمندگی کے بجائے فخر محسوس کرتی ہیں اور چند مہینے قبل چیئرمین ایف بی آر نے اعلان کیا تھا کہ سقوط معیشت ہو گئی۔ سقوط معیشت کے حوالے سے ایف بی آر کا بیان تشویشناک ہے۔ سراج الحق کا کہنا تھا کہ ہمارے پاس وسائل کی کمی نہیں ہے۔ وفاقی شرعی عدالت نے سود پر فیصلہ دیا ہے اور وقت ہے کہ ہم اسلامی معاشی نظام کی طرف چل پڑیں۔