پی سی بی نے دورہ انگلینڈ اور ویسٹ انڈیز کے لیے قومی اسکواڈز کا اعلان کردیا

پاکستان کرکٹ بورڈ نے دورہ انگلینڈ اور ویسٹ انڈیز کے لیے قومی اسکواڈز کا اعلان کردیا ہے، حارث سہیل،عماد وسیم، محمد عباس اور نسیم شاہ کی اسکواڈز میں واپسی ہوگئی۔

پاکستان کو انگلینڈ کے خلاف 3 ون ڈے اور 3 ٹی ٹونٹی جبکہ ویسٹ انڈیز کے خلاف 5 ٹی ٹونٹی اور 2 ٹیسٹ میچز پر مشتمل سیریز کھیلنی ہے، اعلان کردہ اسکواڈ کے مطابق حارث سہیل اور عماد وسیم کی بالترتیب قومی ون ڈے اور ٹی ٹونٹی اسکواڈزمیں واپسی ہوئی، محمد عباس اور نسیم شاہ بھی دوبارہ قومی ٹیسٹ اسکواڈ کا حصہ بن گئے ہیں، جب کہ اعظم خان پہلی مرتبہ قومی ٹی ٹونٹی اسکواڈ اور سلمان علی آغا قومی ون ڈے انٹرنیشنل اسکواڈ میں شامل ہوئے ہیں۔ تاہم یاسر شاہ کی قومی ٹیسٹ اسکواڈ میں شمولیت فٹنس سے مشروط  ہے۔

ون ڈے کے اسکواڈ میں کپتان بابراعظم، نائب کپتان شاداب خان،عبداللہ شفیق، فہیم اشرف، فخر زمان، حیدر علی، حارث رؤف، حارث سہیل، حسن علی، امام الحق، محمد حسنین، محمد نواز، محمد رضوان اور سرفراز احمد بطور وکٹ کیپرز شامل ہوں گے، سلمان علی آغا، سعود شکیل، شاہین شاہ آفریدی اور عثمان قادر بھی ون ڈے سکواڈ کا حصہ ہیں۔

ٹی ٹونٹی اسکواڈ میں کپتان بابراعظم کپتان، نائب کپتا شاداب خان، ارشد اقبال، اعظم خان،  فہیم اشرف، فخر زمان، حیدر علی، حارث رؤف، حسن علی، محمد حفیظ، محمد حسنین، محمد نواز محمد رضوان اور سرفراز احمد بحیثیت وکٹ کیپرز شامل ہوں گے، محمد وسیم جونیئر، شاہین شاہ آفریدی، شرجیل خاناور عثمان قادر شامل ہیں۔

ٹیسٹ اسکواڈ میں بھی بابراعظم ، محمد رضوان (نائب کپتان و وکٹ کیپر) ، عبداللہ شفیق، عابد علی، اظہر علی، فہیم اشرف، فواد عالم، حارث رؤف، حسن علی، عمران بٹ، محمد عباس، محمد نواز، نسیم شاہ، نعمان علی، ساجد خان، سرفراز احمد (وکٹ کیپر)، سعود شکیل، شاہین شاہ آفریدی، شاہنواز دھانی، یاسر شاہ اور زاہد محمود کو شامل کیا گیا ہے۔