پنجاب میں 20 کلو گرام آٹےکاتھیلا 845 روپے میں ملےگا

 حکومت نے ملک میں مہنگائی کم  کرنے کی ٹھان لی ۔ وزیر اعظم عمران خان کی زیر صدارت مہنگائی کنٹرول کرنے سے متعلق اجلاس  ہوا۔ اجلاس میں  فیصلہ کیا گیاکہ  پنجاب بھر میں سہولت بازار  بنائے جائیں گے  جہاں 20  کلو  آٹے کا تھیلا 845 روپے جبکہ 10 کلو آٹا 420 روپے کا ملے گا۔ چینی  بھی  85 روپے کلو  میں  دستیاب ہوگی ۔ ابتدائی  طور پر  196 سہولت بازار   قائم کیے جائیں جن  کی تعداد اس  مہینے  350 تک پہنچا دی جائے گی ۔لاہور میں 31 سہولت بازار اسی ہفتے بنائے جائیں گے ۔

 اجلاس میں  وزیر اعظم کو بتایا گیا کہ پنجاب اور  خیبرپختونخواہ میں ذخیرہ اندوزوں کے خلاف کاروائیاں  بھی جاری ہیں۔  چھاپوں کے  دوران پنجاب کے  شہر وہاڑی سے 475 ٹن چینی اور30 ہزار کلو گھی ذخیرہ اندوزوں سے برآمد کرلیاگیا ۔خیبرپختونخوا میں  بھی  کارروائیاں جاری ہیں، اب  27  ہزار  چھاپے مارے  گئے ہیں جن  میں 818  مقدمات  درج کرکے 103 افراد کو گرفتار کیا  جا  چکاہے ،کارروائی میں 759 دکانیں سیل   بھی کی گئی ہیں۔