آزاد کشمیر الیکشن نتائج مسترد، ن لیگ کا پاکستان اور بیرون ملک تحریک چلانے کا اعلان

پاکستان مسلم لیگ ن نے پچیس جولائی کے انتخابی نتائج کو مسترد کرتے بھرپور احتجاجی تحریک چلانے کا اعلان کر دیاہے۔اس بات کا فیصلہ ن لیگ کے جماعتی ٹکٹ ہولڈرز کے اعلی سطحی اجلاس میں کیا گیا۔اجلاس میں وزیراعظم آزادکشمیر و صدر مسلم لیگ ن راجہ محمد فاروق حیدر خان،سینئر نائب صدر و سابق وزیراعظم پاکستان شاہد خاقان عباسی،مرکزی سیکرٹری جنرل احسن اقبال،سینئر نائب صدر آزادکشمیر چوہدر طارق فاروق،جنر ل سیکرٹری شاہ غلام قادر،چیف آرگنائزر مشتاق احمد منہاس سمیت تمام جماعتی ٹکٹ ہولڈرز نے شرکت کی۔

اجلاس میں متفقہ طور پر منظور کی جانے والی قرارداد کے مطابق آزاد جموں وکشمیر کے حالیہ انتخابات کے انتخابی نتائج کو وفاقی حکومت اور دیگر اداروں کی جانب سے کھلی مداخلت کی بنا پر مسترد کرتے ہوئے قراردیا کہ جس جماعت نے پانچ لاکھ سے زائد ووٹ حاصل کرنے کے باوجود صرف 6نشستیں حاصل کیں ان میں سے اکثر عہدیداروں کو انتخابی انجینئرنگ کے ذریعے ہرایا گیا۔ جس سے کشمیریوں کی حق خودارادیت کی تحریک متاثر ہوئی ہے اور قومی و بین الاقوامی طور پر مسئلہ کشمیرکمزرو ہواہے اوراس پر پاکستان کے موقف کو نقصان پہنچا منظور ہونے والی قرارداد کے مطابق کھلی دھاندلی کے خلاف پاکستان مسلم لیگ ن پوری قوت سے تحریک چلاے گی جو کہ مرحلہ وار حلقہ جات پاکستان اور تارکین وطن کشمیریوں تک پھیلائی جائیگی اس دھاندلی کے خلاف عوام کے تعاون سے قومی /بین الاقوامی سطح پر جدوجہد جاری رکھے گی تاوقتیکہ کشمیری عوام کو شفاف و غیر جانبدار انتخابات کا موقع نہیں دیا جاتا۔

اجلاس سے خطاب کرتے ہوئے سابق وزیراعظم پاکستان شاہد خاقان عباسی نے کہا کہ آزادکشمیر کے لوگوں کو خراج تحسین پیش کرتا ہوں جنہوں نے بدترین دھاندلی کا مقابلہ کیا گزشتہ پانچ سال ن لیگ اور راجہ محمدفاروق حیدر خان نے قومی سطح پر اپنا لوہا منوایا اور نام پیدا کیا ہمیں ان کی پانچ سالہ کاکردگی پر فخر ہے مسلم لیگ ن کی حکومت نے آزادکشمیر کے دیرینہ اور حل طلب مسائل کے حل کے لیے عملی اقدامات اٹھاے ایک بھرپور اور جاندار انتخابی مہم چلائی جس پر تمام حلقہ جات کے کارکنان کو مبارکباد پیش کرتا ہوں ہمارا مینڈیٹ چوری کیا گیا ہے اس پر چپ کسی صورت نہیں بیٹھیں گے آزادکشمیر کی قیادت کے ساتھ ملکر لائحۃ عمل طے کرینگے۔جن لوگوں نے جماعتی ٹکٹ ہولڈرز کی خلاف ورزی کی انہیں کسی صورت واپس نہیں لیں گے جن لوگوں نے وفاداری نبھائی وہ ہمارا اثاثہ ہیں ن لیگ کے اراکین ایک دو کے علاوہ استقامت کے ساتھ اپنی جماعت کے ساتھ ڈٹے رہے جو لوگ ضمیر بیچتے ہیں ان کو کبھی سکون نہیں ملتا۔

اجلاس سے خطاب کرتے ہوے راجہ محمدفاروق حیدر خان صدر مسلم لیگ ن آزادکشمیر نے کہا کہ مسلم لیگ ن کی حکومت کا موازنہ 73 سالوں کی کسی بھی حکومت سے کر کہ دیکھ لیں ہم نے تاریخ ساز کامیابیاں حاصل کیں خزانہ آج بھرا ہوا ہے پارٹی ٹکٹ ہولڈرز کی مخالفت کرنے والوں پر جماعت کے دروازے بند کر دیے گئے ہیں ہم نے اپنے ٹکٹ ہولڈرز کو بھی جتنے فنڈز دیے اتنے دوسری حکومتوں میں وزرا کو بھی نہیں مل سکے آزادکشمیر میں میرٹ کی بحالی قانون کی حکمرانی اور عوامی ضروریات کو مد نظر رکھ کر ترقیاتی منصوبہ جات دینے کی روایت ہم نے ڈالی