وزیراعظم شہباز شریف کا یوٹیلیٹی اسٹورز پر بڑا ریلیف پیکچ دینے کا فیصلہ

اسلام آباد : وزیراعظم شہباز شریف نے یوٹیلیٹی اسٹورز پر بڑا ریلیف پیکچ دینے کا فیصلہ کیا ہے۔

یوٹیلٹی اسٹور ریلیف پیکج ایک سال کیلئے68ارب روپے سے زائد کا ہوگا۔ وزیراعظم کی ہدایت پر وزارت صعنت وپیداوار نے سمری تیار کرلی ہے جس کے مطابق وزیراعظم پیکچ کے تحت 5 بنیادی اشیاء پر سبسڈی مزید ایک سال کیلئے جاری رہے گی۔ مالی سال2022-23میں5بنیادی اشیاء پر سبسڈی کیلئے68 ارب22کروڑ40 لاکھ روپے تجویز دی گئی ہے۔ آٹا، چینی، گھی، دالوں اور چاول پر سبسڈی دی جائے گی۔ وزیراعظم پیکچ کی سمری کی منظوری اقتصادی رابطہ کمیٹی اور کابینہ سے لی جائے گی