وزیر اعظم کا اذلان شاہ ہاکی ٹورنامنٹ میں عمدہ کارکردگی پر قومی ہاکی ٹیم کو خراج تحسین

وزیر اعظم محمد شہباز شریف نے اذلان شاہ ہاکی ٹورنامنٹ میں پاکستانی ہاکی ٹیم کے کھلاڑیوں کی عمدہ کارکردگی پر ٹیم کو خراج تحسین پیش کیا اور کہا ہےکہ کھلاڑیوں نے ٹورنامنٹ کے دوران شاندار کارکردگی کا مظاہرہ کرتے ہوئے فائنل تک رسائی حاصل کی،

جاپان کے خلاف بھی پاکستانی ٹیم نے فائینل میں بہترین کارکردگی کا مظاہرہ کیا۔ وزیر اعظم آفس کے پریس ونگ سے جاری بیان کے مطابق وزیراعظم نے کہا کہ ہار جیت کھیل کا حصہ ہے ، قومی ہاکی ٹیم نے پوری قوم کے دل جیت لئے۔

انہوں نے کہا کہ عرصہ دراز کے بعد پاکستان نے قومی کھیل کے اس اہم ٹورنامنٹ کے فائنل تک رسائی حاصل کی جو کہ انتہائی خوش آئند ہے۔ وزیراعظم محمد شہباز شریف نے کہا کہ حکومت کھیلوں بالخصوص قومی کھیل ہاکی کے فروغ کے لیے ہر ممکن اقدامات اٹھا رہی ہے۔

مزید خبروں کیلئے وزٹ کریں