مرحلہ وارتعلیمی ادارے کھولنے کا حکومتی فیصلہ منظور نہیں، سکولز کالجز ایسوسی ایشن

اسلام آباد: آل پاکستان سکولز اینڈ کالجز ایسوسی ایشن نے مرحلہ وار تعلیمی ادارے کھولنے کا حکومتی فیصلہ مسترد کردیا اور مطالبہ کیا ہے کہ ملک بھر میں سکولز، کالجز ایک ساتھ کھولے جائیں۔

اے پی ایس سی اے کے صدر ملک ابرار حسین کی جانب سے جاری بیان میں کہا گیا ہےکہ کورونا کا زور ٹوٹنے اور کاروباری مراکز کھلنے سے کورونا کیسز میں اضافہ نہیں ہوا، اگر تجارتی مراکز کھلنے اورعوام کے رش سے مسئلہ نہیں بنا تو بچوں کے سکول جانے سے بھی نہیں بنے گا۔

انہوں نے کہا کہ حکومت تعلیمی اداروں کے خلاف انتقامی کارروائیاں بند کرے، 15 اگست لو کھولے گئے تعلیمی اداروں کو سیل کرنے کو سلسلہ ناقابل قبول ہے، تمام کلاسوں کو ایک ہی وقت میں کھولنے کا اعلان کیا جائے۔

ملک ابرار حسین کا کہنا ہے کہ بچوں کا قیمتی وقت پہلے ہی ضائع ہو چکا مزید تاخیر خطرناک ہو گی، کھولے گئے تعلیمی اداروں اور مدارس کے امتحانات سے بچوں میں کورونا کا کوئی کیس سامنے نہیں آیا، تعلیمی ادارے کھول کر تعلی سرگرمیاں فی الفور شروع کرائی جائیں۔