برطانیہ میں بھی بے گناہ ٹھہرے،عمران خان اپنا سرشرم سے جھکا لیں، نوازشریف

لندن : سابق وزیراعظم نوازشریف نے کہا ہے کہ عمران خان کی ایما پر شہزاد اکبر نے جو شہباز شریف پر جھوٹے الزامات لگائے۔اس پر برطانیہ کی سب سے بڑی اخبار ڈیلی میل نے عدم ثبوت کی بنا پر معافی مانگ لی ہے۔

لندن میں میڈیا سے گفتگو کرتے ہوئے سابق وزیراعظم نوازشریف نے کہا کہ منی لانڈرنگ کرپشن کمیشن کک بیکس فنڈز اور آفس کے غلط استعمال کے شہباز شریف پر جھوٹے الزامات لگائے گئے۔ان الزامات کی نیشنل کرائم ایجنسی پہلے ہی تحقیقات کر کے شہباز شریف کو کلین چٹ دے چکی۔

سابق وزیراعظم نے کہا کہ برطانیہ میں نہ پی ایم ایل این کی حکومت ہے نہ تحریک انصاف کی اور نہ ہی کسی اور سیاسی جماعت کی یہ ایک آزاد جمہوری ملک ہے۔عوام کی حکمرانی ہے وہ ملک یہ کہہ رہا ہے اس ملک کے اخبار نے معافی مانگی ہے۔کسی کی معصومیت اور بے گناہی کا اس سے بڑا اور کیا ثبوت ہو۔ڈیلی میل کے بغیر ثبوت الزامات ہر پھر معافی کے بعد عمران خان انکی پارٹی اور شہزاد اکبر کو اپنا سر شرم سے جھکا لینا چاہیے۔یہ لوگ ملک سے باہر ملک کی بدنامی کا سبب بنے۔

نوازشریف کا کہنا تھا کہ جسٹس شوکت صدیقی جج ارشد ملک کیا کہہ گئے۔خود ثاقب نثار کی آڈیو لیکس ہوئیں۔یہ سب ہماری بے گناہی کے ثبوت ہیں۔مریم نواز کے حق میں فیصلہ بھی عدم شوائد کی بنا پر آیا۔عمران خان پر کرپشن کے الزامات نہیں بلکہ ثابت شدہ کرپشن ہے۔بچے بچے کی زبان پر توشہ خانہ چوری کے قصے ہیں۔جو شخص خود سیر سے پاؤں تک کرپشن میں ملوث ہے وہ ان لوگوں پر الزامات لگا رہا ہے جنہیں برطانیہ کی عدالتوں سے یہاں کی حکومتوں سے بے گناہی کے ثبوت ملے۔

نوازشریف نے کہا کہ پاکستانی قوم کو ان سب چیزوں کو غور سے دیکھ کر سمجھنا چاہیے۔ہم پہ تو مفت میں ہی کیس بنتے رہے مفت میں جلا وطن کیا گیا مجھ پر تو ہائی جیکنگ کا کیس بھی بنایا گیا۔بیٹے سے تنخواہ نہ لینے پر مجھے نااہل کیا گیا۔24 کروڑ عوام کے منتخب وزیر اعظم کو 10 ہزار ریال تنخواہ جو نہیں لی گئی اس پر نااہل کیا گیا۔پاکستان کا آج یہ حال کر دیا ہے کہ غریب آدمی اپنے بچوں کا پیٹ تک نہیں پال سکتا۔2017 میں پاکستان تیزی سے بلندیوں کی طرف جا رہا تھا اس وقت اشیاء خورد و نوش کی قیمتیں کیا تھیں آٹا دال کی قیمتیں کیا تھیں

سابق وزیراعظم نوازشریف کا کہنا تھا کہ بجلی کتنی سستی تھی بلکہ بجلی آ رہی تھی ہم وہ ہیں جنہوں نے بجلی کی قلت کو پورا کیا ہم وہ ہیں جنہوں نے پاکستان کی معیشت کو دن دگنی رات چگنی ترقی دی ہم وہ جنہوں نے پاکستان میں موٹر ویز بنائیں ہم وہ ہیں جنہوں نے چند مہینوں بجلی کے کارخانے لگائے لوڈ شیڈنگ کو تین سالوں میں ختم کر دیا۔ہم وہ ہیں جنہوں نے پاکستان کو ایٹمی قوت بنایا۔ہر شعبے میں ہماری خدمات قوم کے سامنے ہیں۔اب بھی کوئی نہ سمجھے تو پھر کیسے سمجھایا جائے۔ایک منصوبے کا نام بتائیں جسکی بنیاد عمران خان نے رکھی ہو اور یہ فخر سی کہہ سکیں کہ یہ منصوبہ ہم نے شروع کیا تھا اور پایا تکمیل تک پہنچایا ہے۔

نوازشریف نے کہا کہ ایک منصوبہ کوئی نام ہے تو بتا دو بھائی۔خیبر پختونخوا میں ایک میٹرو بنائی وہ بھی فالٹی اور اربوں کا خرچہ نیب کیس بھی بن گیا۔بلین ٹری اور القادر ٹرسٹ کی جب تفصیلات سامنے آیئں گی تو لوگوں کے رونگٹے کھڑے ہو جائیں گے 50 ارب کی کرپشن ہے۔