عمران خان کےخلاف اسلام آباد کی حد تک تمام مقدمات کا ریکارڈ طلب

اسلام آباد ہائیکورٹ نے عمران خان کےخلاف اسلام آباد کی حد تک تمام مقدمات کا ریکارڈ طلب کرلیا ہے۔عدالت نے فریقین کو نوٹس جاری کرتے ہوئے 27 مارچ تک جواب طلب کرلیا۔

چیف جسٹس عامر فاروق نے سماعت کی۔ دوران سماعت عمران خان کے وکیل فیصل چوہدری نے دلائل دیئے کہ ہمارے پاس عدالتوں کے علاؤہ اور کوئی جگہ نہیں ہے۔عمران خان کے خلاف 47 مقدمات اسلام آباد میں ہوگئے ہیں۔ پولیس نے کچھ ایف آئی آر چھپا کر رکھی ہوئی ہیں۔ دوران سماعت جوڈیشل کمپلیکس معاملے کا بھی ذکر چھڑ گیا۔ چیف جسٹس نے وکیل کو مخاطب کرتے ہوئے ریمارکس دیئے کہ ہفتے کو بھی کچھ مناسب بات نہیں ہوئی۔میں بھی غلطی کروں اور آپ بھی پھر کیا فرق رہ جائے گا۔

چیف جسٹس نے کہا کہ ایف آئی آر سیل نہیں ہوتی ہے شاید آپ کو معلوم نہیں اس کے بارے میں۔ ایف آئی آر پبلک دستاویزات ہے وہ سیل نہیں ہوسکتی پولیس  تحقیقات کے لیے بلا لیتی ہے۔۔میں اپنی حدود کی حد تک نوٹس کر دیتا ہوں۔