سعودی عرب کی پاکستان میں ایک ارب ڈالر کی سرمایہ کاری کی یقین دہانی کرائی

اسلام آباد : وزیر خارجہ بلاول بھٹو اور سعودی وزیرخارجہ فیصل بن فرحان کے درمیان ٹیلی فونک رابطے میں سعودی عرب کی جانب سے پاکستان میں ایک ارب ڈالر کی سرمایہ کاری کی یقین دہانی کرائی ۔

وزیر خارجہ بلاول بھٹو اور سعودی ہم منصب فیصل بن فرحان کے درمیان ٹیلی فونک رابطہ ہوا ہے۔ بلاول بھٹو اور سعودی وزیر خارجہ فیصل بن فرحان کے درمیان دوطرفہ برادرانہ تعلقات کے فروغ پر تبادلہ خیال کیا گیا۔ سعودی عرب کی جانب سے پاکستان میں ایک ارب ڈالر کی سرمایہ کاری کی یقین دہانی کرائی گئی جس پر وزیر خارجہ بلاول بھٹو نے سعودی ہم منصب سے اظہار تشکر کیا۔وزیر خارجہ بلاول بھٹو نے اپنے سعودی ہم منصب کو پاکستان میں غیرمعمولی سیلاب سے ہونے والی تباہ کاریوں سے آگاہ کیا۔ وزیر خارجہ بلاول بھٹو نے بدترین سیلابی صورت حال کے حوالے سے اظہار یکجہتی پر سعودی عرب سے اظہار تشکر کیا۔ وزیر خارجہ نے سعودی عرب کی جانب سے پاکستان کے سیلاب متاثرین کی مدد کے لئے ہر ممکن اقدامات اٹھانے کی یقین دہانی کو بھی سراہا۔