سکیورٹی فورسز کا شمالی وزیرستان میں آپریشن، سپاہی وحید خان شہید

راولپنڈی : شمالی وزرستان میں سیکیورٹی فورسز نے خفیہ اطلاع پر آپریشن کیا ہے جس میں دہشتگردوں کے خلاف بہادری سے لڑتے ہوئے سپاہی وحید خان شہید ہو گئے۔

آئی ایس پی آر کے مطابق سکیورٹی فورسز نے شمالی وزیرستان کے علاقے میر علی میں دہشتگردوں کے خلاف آپریشن کیا ہے۔ آپریشن دہشتگردوں کی موجودگی کی خفیہ اطلاع پر کیا گیا،ترجمان پاک فوج کے مطابق آپریشن کے دوران دہشتگردوں کے ساتھ فائرنگ کا شدید تبادلہ ہوا ۔ دہشتگردوں کے خلاف بہادری سے لڑتے ہوئے سپاہی وحید خان شہید ہو گئے۔ تئیس سالہ سپاہی وحید خان نوشہرہ کا رہائشی ہے۔ ترجمان پاک فوج کا کہنا ہے کہ علاقے میں موجود کسی بھی دہشتگرد کے خاتمے کے لیے کلیئرنس آپریشن جاری ہے