بیان پر قائم ہوں، زرداری شوق سے ہتک عزت کا دعویٰ کریں، عمران خان

لاہور : سابق وزیراعظم عمران خان نے کہا ہے کہ آصف زرداری سے متعلق دیے گئے بیان پر قائم ہوں، ہتک عزت کا دعویٰ وہ کرتے ہیں جن کی عزت ہو۔

چیئرمین پی ٹی آئی عمران خان سے زمان پارک لاہور میں سینئر صحافیوں کی ملاقات ہوئی ہے۔ صحافیوں سے گفتگو کرتے ہوئے عمران خان نے کہا کہ آصف زرداری سے متعلق دیے گئے بیان پر قائم ہوں،  آصف زرداری شوق سے ہتک عزت کا دعویٰ کریں، ہتک عزت کا دعویٰ وہ کرتے ہیں جن کی عزت ہو۔

سابق وزیراعظم عمران خان نے کہا کہ اسمبلیاں تحلیل کرنا میری بہترین حکمت عملی تھی، اسمبلیاں تحلیل ہوتے ہی حکومت بند گلی میں آ چکی ہے، اسمبلیاں تحلیل نہ کرتے تو عام انتخابات نہیں ہونے تھے، 90 روز میں انتخابات نہ کرائے گئے تو آئین شکنی ہو گی۔

چیئرمین پاکستان تحریک انصاف عمران خان سے سینر صحافیوں کی ملاقات۔ pic.twitter.com/W9C9XoVPwP

— PTI (@PTIofficial) February 1, 2023

عمران خان کا کہنا تھا کہ ابھی میرا ایک اور میڈیکل چیک اپ ہونا ہے،صحتیاب  ہو کر انتخابی مہم کا آغاز کروں گا۔