سید علی گیلانی کی جدوجہد آنے والی نسلوں کے لیے مشعل راہ ہے، ڈی جی آئی ایس پی آر

راولپنڈی: ڈی جی آئی ایس پی آر نے کہا ہے کہ سید علی گیلانی کی جدوجہد آنے والی نسلوں کے لیے مشعل راہ ہے۔

ڈی جی آئی ایس پی آر نے اپنے ٹویٹر پیغام میں کہا کہ پاکستانی قوم بہادر سید علی شاہ گیلانی کو خراج تحسین پیش کرتی ہے۔ سید علی گیلانی نے بھارتی مظالم کا بہادری سے مقابلہ اور تحریک آزادی کی جدوجہد کو آگے بڑھایا۔

میجر جنرل بابر افتخار نے کہا کہ سید علی گیلانی کی تمام عمر حق خود ارادیت کے لیے جدجہد میں گزری۔ سید علی گیلانی نے کشمیریوں کی خواہشات اور اقوام متحدہ کی قراردوں کے مطابق حق خود ارادیت کی لڑائی لڑی ۔ ترجمان پاک فوج کا کہنا تھا کہ سید علی گیلانی کی جدوجہد آنے والی نسلوں کے لیے مشعل راہ ہے۔

مقبوضہ کشمیر میں آج سید علی گیلانی کی پہلی برسی کے موقع پر مکمل ہڑتال کی گئی ہے۔