تحریک انصاف کا حکومت سے مذاکرات کی ناکامی کی صورت میں لانگ مارچ کا عندیہ

لاہور : پاکستان تحریک انصاف نے انتخابات کی تاریخ کے معاملے پر حکومت کے ساتھ ہونے والے مزاکرات کی ناکامی کی صورت میں لانگ مارچ کا عندیہ دے دیا ہے۔

سابق وفاقی وزیر اطلاعات فواد چودھری نے اپنے ٹویٹر پیغام میں کہا کہ پاکستان تحریک انصاف مذاکرات کی کامیابی چاہتی ہے لیکن ناکامی کی صورت میں حکمت عملی مرتب کرلی ہے۔

فواد چودھری نے کہا کہ یہ نہیں ہو سکتا کہ آئین کو ردی کا ٹکڑا اور عوام کو کیڑے مکوڑے سمجھ لیا جائے، تحریک انصاف خاموش بیٹھ جائے مذاکرات کی ناکامی کی صورت میں عوام بڑی تحریک کیلئے تیار ہو جائیں۔

تحریک انصاف مذاکرات کی کامیابی چاہتی ہے لیکن ناکامی کی صورت میں حکمت عملی مرتب کرلی ہے، یہ نہیں ہو سکتا کہ آئین کو ردی کا ٹکڑا اور عوام کو کیڑے مکوڑے سمجھ لیا جائے اور تحریک انصاف خاموش بیٹھ جائے مذاکرات کی ناکامی کی صورت میں عوام بڑی تحریک کیلئے تیار ہو جائیں، تحریک کا آغاز کل…

— Ch Fawad Hussain (@fawadchaudhry) April 30, 2023

فواد چودھری کا کہنا تھا کہ تحریک کا آغاز کل لاہور، اسلام آباد اور پشاور میں ریلی سے ہو رہا ہے، اس کا نقطہ عروج ایک تاریخی لانگ مارچ ہو گا۔