سوشل میڈیا پر ججز کے درمیان ہاتھا پائی کی خبر جھوٹی اور بے بنیاد ہے، ترجمان سپریم کورٹ

اسلام آباد : ترجمان سپریم کورٹ نے سوشل میڈیا پر جھوٹی خبروں سے متعلق ترید کرتے ہوئے کہا ہے کہ سوشل میڈیا پر ججز کے درمیان ہاتھا پائی کی خبر جھوٹی اور بے بنیاد ہے۔

ترجمان سپریم کورٹ کی جانب جاری وضاحتی بیان میں کہا گیا ہے کہ ججز کالونی کے پارک میں شام کو واک کے دوران سپریم کورٹ کے ججوں کے درمیان مبینہ جھگڑے اور ہاتھا پائی کے حوالے سے ایک سراسر جھوٹی خبر کو سوشل میڈیا کے مختلف پلیٹ فارمز کے ذریعے اٹھایا اور اجاگر کیا گیا ہے جس کی سخت ترین الفاظ میں تردید کی جاتی ہے

ترجمان سپریم کورٹ نے کہا ہے کہ  یہ عمل جھوٹا، شرارتی اور بدنیتی پر مبنی ہے۔  سپریم کورٹ ایسا کوئی واقعہ پیش نہیں آیا۔ سپریم کورٹ آف پاکستان کے ججز کے بارے میں جعلی رپورٹنگ قانون کی سنگین خلاف ورزی ہے اور یہ عدالت اور اس کے معزز ممبران کے وقار کو کم کرنے کے لیے منحرف عناصر کی کوشش کی نمائندگی کرتی ہے۔