الیکشن سے متعلق فوج سے مذاکرات کی خبریں بالکل غلط ہیںِ، میجر جنرل بابر افتخار

اسلام آباد : ڈی جی آئی ایس پی آر میجر جنرل بابر افتخار نے عام انتخابات سے متعلق فوجی قیادت کی جانب سے مذاکرات سے متعلق خبروں کو مسترد کر دیا ہے۔

سینئرصحافی کامران خان کے ساتھ بات کرتے ہوئے ترجمان پاک فوج میجر جنرل بابر افتخار نے کہا کہ فوج کے مذاکرات کے حوالے سے خبریں بالکل غلط ہیں۔
ڈی جی آئی ایس پی آر میجر جنرل بابر افتخار نے کہا کہ سیاسی معاملات میں مداخلت کی تردید کرتے ہیں ان کا کہنا تھا کہ سیاسی جماعتیں اپنے معاملات خود نمٹائیں۔ خدارا فوج کوسیاسی معاملات سے باہررکھا جائے۔