توشہ خانہ کیس، عمران خان نے رقوم کی ادائیگی بھی کسی اور کے اکاونٹ سےکی، نیب

اسلام آباد : نیب نے توشہ خانہ کیس میں کابینہ ڈویژن، سرکاری توشہ خانہ کے افسران اور رانا ابرار خالد کا ابتدائی بیان قلمبند کرلیا۔ توشہ خانہ سے تحائف خریدتے ہوئےعمران خان نے رقوم کی ادائیگی بھی کسی اور کے اکاونٹ سے کرنے کا انکشاف ہوا ہے۔

نیب نے عمران خان کے خلاف توشہ خانہ کیس کی تحقیقات شروع کردیں ہیں۔ نیب نے کابینہ ڈویژن اور سرکاری توشہ خان سے عمران خان کے تحائف کا ریکارڈ حاصل کرلیا ہے۔ذرائع کے مطابق عمران خان نے توشہ خانہ تحائف لیتے ہوئے اشیاء کے کم ریٹ لگائے جانے کا انکشاف ہوا۔عمران خان کی توشہ خانہ سے لی گئی تین گھڑیوں کی خریداری میں اپریزر رپورٹ بھی مشکوک قرار دی گئی ہے۔عمران خان کی جانب سے تین قیمتی گھڑیوں گراف اور رولیکس کی انڈر انوائسنگ کا انکشاف بھی ہوا ہے جبکہ توشہ خانہ سے تحائف خریدتے ہوئےعمران خان نے رقوم کی ادائیگی بھی کسی اور کے اکاونٹ سے کی ۔ نیب نے توشہ خانہ کیس میں کابینہ ڈویژن، سرکاری توشہ خانہ کے افسران اور رانا ابرار خالد کا ابتدائی بیان قلمبند کرلیا ہے۔ ڈی جی نیب راولپنڈی عمران خان کیخلاف توشہ خانہ کیس کی تحقیقات کی نگرانی کررہے ہیں۔