کراچی سے جدہ جانیوالی عمرہ پروازفنی خرابی پرتاخیر کا شکار،زائرین احتجاج

کراچی سے جدہ جانے والی پی آئی اے کی عمرہ پرواز فنی خرابی کے باعث 10 گھنٹے سے زائد تاخیر کا شکار۔مسافروں کا ایئرپورٹ پراحتجاج۔عملے کے ساتھ تلخ کلامی ہوگئی۔پرواز پی کے 731 فنی خرابی کے باعث تاخیر کا شکار ہوئی تو مسافروں کا پارہ ہائی ہوگیا۔

مسافروں کا کہنا ہے کہ کئی گھنٹے گزرنے کے باوجود پرواز کی روانگی سے متعلق نہیں بتایا جارہا۔ترجمان پی آئی اے کے مطابق انجینئر طیارے میں فنی خرابی کو دور کر نے کی کوشش کر رہے ہیں۔پرواز کو دوپہر ایک بجے روانہ کردیا جائے گا۔ایئرپورٹ پر مسافروں کو صبح کا ناشتہ فراہم کردیا گیا۔