ہمارا کسی سے ذاتی عناد نہیں:الیکشن کمیشن،عمران خان،اسد،فواد طلب

الیکشن کمیشن نے اپنی توہین کے کیس میں سابق وزیراعظم عمران خان، اسد عمر اور فواد چوہدری کو پیش ہونے کی ہدایت کردی۔دوران سماعت پی ٹی آئی وکلا نے موقف اختیار کیا کہ عمران خان ابھی تک سفر کے قابل نہیں ہوئے۔ میڈیکل سرٹیفکیٹ بھی پیش کر دینگے۔سپریم کورٹ میں الیکشن کمیشن کی اپیل پر تحریری فیصلہ نہیں آیا۔مناسب ہوگا کہ سپریم کورٹ کا فیصلہ آنے دیا جائے۔ ممبرخیبرپختونخوا نے کہا کہ ہم پر کوئی شک نہ کرے،ہمارا کسی سے ذاتی عناد نہیں۔

الیکشن کمیشن میں ممبر سندھ نثار درانی کی سربراہی میں 4 رکنی بینچ نے عمران خان، اسد عمر اور فواد چوہدری کیخلاف توہین الیکشن کمیشن کیس کی سماعت کی۔ممبر خیبرپختونخوا نے استفسار کیا کہ عمران خان بیمار ہیں تو باقی لوگ کیوں پیش نہیں ہوئے؟۔جس پر وکیل انور منصورمناسب ہوگا سب کا کیس ایک ساتھ ہی چلایا جائے۔لاہور ہائیکورٹ نے عمران خان اور فواد چوہدری کے شوکاز معطل کر رکھے ہیں۔

ایڈووکیٹ فیصل چوہدری نے کہا کہ سپریم کورٹ کی گائیڈ لائنز آنے دی جائیں جس پر ممبر خیبرپختونخوا نے کہا کہ شوکاز نوٹس کمیشن کے بینچ نے جاری کیا تھا۔سیکرٹری نے نہیں۔اگر کمیشن غلطی کرتا ہے تو ہائیکورٹ سے آپکو ریلیف مل جائے گا۔ممبر سندھ نے کہا کہ سپریم کورٹ کے فیصلے کا انتظار تو ٹھیک ہے لیکن فریقین پیش کیوں نہیں ہو رہے۔توہین کسی کی ذات کی نہیں کمیشن کی بطور ادارہ ہوئی ۔جس پر ایڈووکیٹ فیصل چوہدری بولے فواد چوہدری کوبخار اورفلو ہے، وہ پیش نہیں ہوسکتے،حاضری سے استثنیٰ کی درخواست دے رہا ہوں۔پورا یقین ہے کہ کمیشن انصاف کرے گا۔