پاکستان کے سابق فرسٹ کلاس کرکٹر ظفر سرفراز کورونا وائرس کے باعث جاں بحق

پشاور: عالمی وباء کے باعث دنیا میں پہلے کرکٹر کی موت ہو گئی ہے، پاکستان کے سابق فرسٹ کلاس کرکٹر ظفر سرفراز کورونا وائرس کے باعث جاں بحق ہو گئے ہیں۔

سابق کرکٹر ظفر سرفراز کو مہلک کورونا وائرس کی علامات ظاہر ہونے پر 7 اپریل کو پشاور کے لیڈی ریڈنگ ہسپتال میں داخل کرایا گیا تھا۔ جہاں پر تقریباً ایک ہفتہ تک وہ انتہائی نگہداشت یونٹ میں زیر علاج رہے اور آج انتقال کر گئے۔

تیس اکتوبر 1969 کو پیدا ہونے والے ظفر سرفراز  کو 15فرسٹ کلاس اور 6لسٹ اے میچز کھیلنے کا اعزاز حاصل تھا۔ واضح رہے کہ ظفر سرفراز کورونا وائرس سے دنیا بھر میں ہلاک ہونے والے پہلے کرکٹر ہیں۔