کانگو سیلاب میں سینکڑوں جانیں بچانے پر اقوام متحدہ پاک فوج کا معترف

اسلام آباد: پاکستان عالمی امن کا پیامبر، انسانیت کا محافظ۔۔۔۔۔کانگو سیلاب میں سینکڑوں جانیں بچانے پر اقوام متحدہ نے پاکستانی امن مشن کو زبردست خراج تحسین پیش کیا ہے۔

اقوام متحدہ  کی جانب سے پاک فوج کے امن مشن دستے کی کانگو میں امدادی سرگرمیوں کو زبردست انداز میں سراہا گیا ہے، ترجمان اقوام متحدہ کہتے ہیں پاکستان اقوام متحدہ امن مشنز میں کلیدی حصہ دار ہے۔

اقوام متحدہ نے پاکستان کی امن کاوشوں، انسانی ہمدردی کی سرگرمیوں کا برملا اعتراف کرتے ہوئے کانگو میں سیلاب کے دوران پاکستانی امن مشن کی خدمات کو خراج تحسین پیش کیا ہے۔

اقوام متحدہ کے ترجمان نے پاک فوج کی امدادی کارروائیوں پر مبنی آئی ایس پی آر کی ویڈیو سوشل میڈیا پر شیئر کر کے لکھا کہ دیکھیں کیسے پاک فوج نے تباہ کن سیلاب سے سینکڑوں زندگیاں بچائیں۔

Pakistan is among the top contributors to @UNPeacekeeping

Watch how Pakistani peacekeepers from @MONUSCO helped save hundreds of lives during the deadly floods in the #DRCongo pic.twitter.com/UeAAZEnA63

— UN Spokesperson (@UN_Spokesperson) April 30, 2020