جرمنی: کورونا وائرس کے کیسز میں ریکارڈ اضافہ

برلن۔ بین الاقوامی خبر ایجنسی کے مطابق جرمنی میں کورونا وائرس کے تصدیق شدہ کیسز میں ریکارڈ اضافہ سامنے آیاہے۔جہاں 6 ہزار 638 نئے کیسز ریکارڈ کئے گئے جبکہ ملک میں کل کیسز کی تعداد 3 لاکھ 41 ہزار 223 ہوگئی ہے۔

انسٹی ٹیوٹ (آر کے آئی) کے اعدادوشمار کے مطابق اس سے قبل 28 مارچ کو جرمنی ریکارڈ 6 ہزار 294 کیسز کا اضافہ ہوا تھا۔رپورٹ میں بتایا گیا ہے کہ وائرس سے مزید 33 افراد لقمہ اجل بھی بن گئے ہیں جس کے بعد قومی سطح پر ہلاکتوں کی تعداد بڑھ کر 9 ہزار 710 ہوگئی ہے۔

یورپ کے متعدد ممالک میں کوروناوائرس سے صورتحال بگڑ رہی ہے اور ہزاروں کی تعداد میں نئے کیسز سامنے آرہے ہیں۔ موجودہ صورتحال کے پیش نظر فرانس،سپین،نیدرلینڈ سمیت متعدد یورپی ممالک نے نئی پابندیوں کا اعلان کیاہے۔