کورونا وائرس کی تیسری لہر نے دنیا کے لیے خطرے کی گھنٹی بجا دی

کورونا کی تیسری لہرکے دوران بڑھتے کورونا کیسز کے پیش نظر جرمن چانسلر انجیلا مرکل کا کہنا ہےکہ دوبارہ لاک ڈاؤن کی طرف جانا ہو گا۔غیر ملکی میڈیا کے مطابق فرانس میں اس ماہ سے 16 علاقوں میں دوبارہ لاک ڈاؤن نافذ کیا جائے گا جب کہ  پولینڈ میں کل سے 3 ہفتوں کے جزوی لاک ڈاؤن کا آغاز کیا جائے گا۔

غیر ملکی میڈیا رپورٹس میں بتایا گیا ہے کہ  برازیل میں کورونا کیسز کی صورتحال ابتر ہونے کے سبب ملک گیر لاک ڈاؤن کا مطالبہ زورپکڑنے لگا ہےدوسری جانب کورونا کی تیسری لہر کے پیش نظر اسپین نے ایسٹرکی چھٹیوں میں سفری پابندیوں کو برقرار رکھنے کا فیصلہ کیاہے۔

امریکا میں کورونا سےبچاؤ کے لیے ویکسی نیشن کا عمل جاری ہے جب کہ برطانیہ کے وزیراعظم بورس جانسن نے بھی ایسٹرا زنیکا ویکسین لگوا لی ہے۔ برطانیہ میں چھوٹی عمر کے بچوں کے لیےاسکول کھولنے سے متعلق نئی ہدایات جاری کر دی گئی ہیں۔