شیخ رشید کا لال حویلی میں جلسہ کرنے کا اعلان

اسلام آباد : سابق وزیر داخلہ شیخ رشید نے کل لال حویلی میں دن کے وقت اہم پریس کانفرنس اور شام کو جلسہ کرنے کا اعلان کیا ہے۔

سابق وزیرداخلہ شیخ رشید نے کہا ہے کہ حکومت کو وزرا زیادہ اور وزارتیں کم پڑ گئی ہیں ،پانچ درجن وزرا صرف پریس کانفرنس کر رہے ہیں۔ عوام کی عدالت ہر صبح سوشل میڈیا پر لگتی ہے۔ 140 ملین باشعور نوجوانوں کی جیب میں فون ہے،حکمران اقتدار کا کھیل چھوڑ رہے ہیں ، اب کھیل انہیں نہیں چھوڑرہا۔

 عوام مسلم لیگ کے سربراہ شیخ رشید نے اپنے ٹویٹر پیغام میں کہا کہ حکمران زمینی حقائق سمجھنے سے عاری ہیں۔ عوام کو مائنس کرنے والے خود مائنس ہونے والے ہیں۔ یوم آزادی کو یوم بربادی نہ بنایا جائے۔ انہوں نے واضح کیا کہ 45 دن بہت اہم ہیں۔ غربت کے ہاتھوں لوگ خودکشیاں کر رہے ہیں۔ کے پی کے کے بعد بھتہ خوروں کی کالیں اسلام آباد راولپنڈی پہنچ گئی ہیں۔

 شیخ رشید نے شہباز گل کے ڈرائیور کی گرفتاری پر ردعمل دیتے ہوئے کہا کہ میری سایسی زندگی کی تاریخ میں میں ایسا کبھی نہ دیکھا نہ سنا۔ مخالف کی دس ماہ کی بچی کی ماہ کو اس کے گھر سے اٹھا لیا جائے۔ شہباز گل کے بیانئے سے اختلاف کیا جا سکتا ہے اور بہت سے لوگوں کو اختلاف ہے۔ حکومت کے اس ظالمانہ ، بیوقوفانہ اور جاہلانہ اقدام کی مزمت کرتا ہوں۔