ویلنسیا، ٹرک کی وین کو ٹکر، تین پاکستانی ہلاک، 4 زخمی

اسپین کے زرعی شہر ویلنسیا کے علاقہ بینیفاریو دی لاس بائیس میں ٹرک بریک فیل ہونے کے بعد بے قابو ہو کر کھیتوں میں کھڑی دو وینوں سے ٹکرا گیا جس سے چار افراد زخمی اور تین موقع پر جاں بحق ہوگئے ہیں

 حادثہ پیر کی شام تقریباً 4 بجے پیش آیاجس کے فوری بعد ایمرجنسی یونٹ حرکت میں اگیا۔ایمرجنسی یونٹ نے ایک طبی ہیلی کاپٹر، اور ایمبولینسز کو جائے وقوعہ پر روانہ کیا

یہ واقعہ ایک گاؤں کی سڑک پر پیش آیا ۔ٹرک ڈھلوان پر تھا اور ایسا لگتا تھا کہ ڈرائیور بھاری گاڑی سے باہر نکل گیا ہے۔ ٹرک اچانک حرکت کرنے لگا،ڈھلوان پر ہونےکی وجہ سے لوگوں کے ایک بڑے گروپ کے اوپر سے گزر کر دو وینوں سے ٹکرا گیا۔

حادثے کے نتیجے میں تین افراد جاں بحق اور چار افراد زخمی ہوئے ہیں۔ چاروں زخمیوں کو مختلف اسپتالوں میں منتقل کیا گیازخمی ہونے والے افراد کی عمریں 18 سے 45 سال کے درمیان ہیں۔