پاکستان کی کریڈٹ ریٹنگ میں مزید کمی

عالمی کریڈٹ ریٹنگ ادارے اسٹینڈرڈ اینڈ پورز نے پاکستان کی کریڈٹ ریٹنگ مزید کم کر دی۔

غیر ملکی میڈیا کی رپورٹ کے مطابق ایس اینڈ پی نے مہنگائی اور روپے کی گرتی قدر کی وجہ سے پاکستان کی کریڈٹ آؤٹ لُک نیوٹرل سے منفی کی ہے۔رپورٹ میں کہا گیا ہے کہ ایس اینڈ پی نے وارننگ دی ہے کہ پاکستان کی کریڈٹ ریٹنگ بی سے کم کرکے بی نیگٹیو کی گئی ہے جو کہ زرمبادلہ کے ذخائر کم ہونے پر مزید کم کی جاسکتی ہے۔

چند روز پہلےعالمی کریڈٹ ریٹنگ ایجنسی فِچ ریٹنگز نے بھی پاکستان کے آؤٹ لک کو مستحکم سے منفی کی تھی۔ منفی ریٹنگ سال 2022 کے اوائل سے پاکستان کی بگڑتی لیکویڈیٹی اور بیرونی فنڈنگ صورتحال کی عکاسی کرتی ہے۔