پنجاب کے پرائمری سکولوں میں 32 ہزار خاکروب بھرتی کرنے کا فیصلہ

لاہور:محکمہ سکول ایجوکیشن پنجاب کے مطابق پہلے مرحلے میں تمام ایجوکیشن اتھارٹیز سےسکولوں میں خاکروب کی خالی اور منظور شدہ آسامیوں کا ریکارڈ طلب کرلیا گیا ہے۔

محکمہ سکول ایجوکیشن نے پنجاب کے 32 ہزار کے قریب پرائمری سکولوں میں خاکروب بھرتی کرنے کا فیصلہ کیا ہے۔ایسے پرائمری سکول جہاں سویپر موجود نہیں، وہاں بھرتی کیا جائے گا۔

پہلے مرحلے میں صوبے کی تمام ایجوکیشن اتھارٹیز سے پرائمری سکولوں میں خالی اور منظور شدہ سویپر کی آسامیوں کی تفصیلات مانگی گئی ہیں۔

ذرائع کا کہنا ہے کہ اس وقت صوبے میں 32 ہزار پرائمری سکول موجود ہیں جن میں 90 فیصد میں سویپر کی سیٹیں خالی پڑی ہیں اور سکولوں میں درجہ چہارم کے ملازمین سے صفائی کا کام کرایا جاتا ہے اور جہاں سکولوں کے پاس فنڈز موجود ہیں، وہاں ڈیلی ویجز سویپر موجود ہیں۔ تاہم اب ریکارڈ منگوانے کے بعد بھرتی کا شروع کیا جائے گا۔